அஞ்சலி திரை இரவு

இன்று இரவு New South Wales பல்கலைகழகத்தில் "மஜா" திரைப்படம் காண்பிக்கப் பட்டது. அஞ்சலி தமிழ்ச் சங்கத்தின் இத் திரைப்பட ஒன்றுகூடல் சிறிய அளவில் நடந்தாலும், பல்கலைகழக தமிழ் மாணவரிடையே ஒரு நட்பு ரீதியிலான அறிமுகத்தை ஏற்படுத்தியது. அடியேனும் மலேசியா சிங்கபூர் இந்தியா தென்னாபிரிக்கா மற்றும் நம்மட தமிழ் ஆட்களுடன் ஒரு பிரண்சிப் தொடங்கிக் கொண்டேன்.

வேற என்னவென்டா நடுவில டைடானிக் படத்தை தமிழ்ல "டப்" பண்ணி போட்டாங்க, எல்லாரும் சிரிச்சு சிரிச்சு பார்தம். எல்லாரும் கொஞ்சம் பொறுங்க நெட்ல தேடி பிடிச்சு போடுறன்.

அதோட சகோதர பல்கலைகழகங்களில் இருந்து கூட ஆட்கள் வந்தவயல். (இப்பத்தான் நான் லெக்சர் கட் அடிச்சு போய் சந்தோசமா இருகிறது. ரிசல்ட் வரெக்க பார்ப்பம்) ;)

பிற்குறிப்பு: எமது புதிய அங்கத்தவர், லொல்லு1 அவர்களின் முதலாவது பதிவு. அவரை வருக வருக என்று வரவேற்கிறேன். இதில், போஸ்ரர் மட்டும் என்னுடையது. ( போஸரர் அடிச்சு ஒட்டுறதே பிழைப்பாப் போச்சு)

Common Wealth Games

இன்றைய தினம் நடைபெற்ற மெல்பண் Common Wealth Games 2006இன் நிறைவு நிகழ்வில் பல இந்திய நட்சத்திரங்கள் கலந்து கொண்டார்கள். ஐஷ்வர்யா ராய், ராணி முகர்ஜி, சோனு நிகாம், ஸ்ரேயா கோஷல் போன்றோர் கலந்து கொண்டார்கள். Common Wealth Games 2010 இந்தியாவில் நடைபெறுவதை முன்னிட்டு இந்த சிறப்பு நிகழ்வு அரங்கேறியது.

ஆனால், இந்திய கலாச்சாரத்தை பிரதிபலிக்க, ஒரு தமிழ் கலைஞன் கூட அழைத்து வரப்படவில்லை. தமிழும் இந்தியாவிலேதானே தோன்றியது, தமிழுக்கு தாயகம் தமிழகம் தானே?... தமிழர்கள் என்றால் அங்கிகரிக்கப்படத் தேவையில்லாதவர்கள் கேவலமானவர்கள் என்ற எண்ணமே அந்த நிகழ்வின் மூலம் நிருபிக்கப்பட்டது.

கலாச்சார வளம் கொழிக்கும் தமிழர்களின் ஒரு கலைவடிவம் கூட அரங்கேற்றப்படவில்லை என்பதும் மனதைத் தாக்குகிற ஓர் விடயம். இந்தியா, கலைகளின் களஞ்சியம் என்று விளம்பரப்படுத்தப்பட்டபோது தமிழ் என்ற வாசனையே அதிலிருந்து அகற்றப்பட்டிருப்பது, தமிழுக்கான புறக்கணிப்பை எடுத்துக் காட்டுகிறது. இது என் கருத்து. உங்கள் கருத்து என்ன? நீங்களும் பின்னூட்டத்தில் அறியத் தாருங்கள்.

பட்டியல் திரைப்பார்வை

இப்பத்தான் பட்டியல் படம் பார்த்தேன். இணையத்தில் முதல் முறையாக, சுடச்சுட ஒரு பட விமர்சனம் எழுத வேண்டும் என்ற ஆசை. (ஆசைகள் எத்தனை? இது என்ன கறுமமான ஆசையோ?) அதான் சுடச்சுட... இதோ பட்டியல் திரை விமர்சனம்.

பிதாமகன், தளபதி, சோலே போன்ற படங்களின் பாதிப்புடன் உருவாகி இருக்கும் திரைப்படம் இது. இரண்டு நண்பர்கள், ஆதரவு அற்றவர்கள். ஒருவர் காது கேட்காதவர். பேசவும் முடியாதவர் (பிதாமகன் விக்ரம் போல). மற்றவர் நகைச்சுவையான, ஆனால் ஆண்மைத்துவமான இளைஞன். இவர்கள் வாழ்வில் இரண்டு பெண்கள்( பூஜா மற்றும் 'தவமாய் தவமிருந்து' புகழ் பத்மபிரியா) ஆயுதம் எடுத்தவன் ஆயுதத்தால் அழிவான் என்பதை அழகாக காதல், நட்பு என்ற போர்வையில் செதுக்கியிருக்கிறார் விஷ்ணுவர்தன்( 'அறிந்தும் அறியாமலும்' இயக்குனர்).

இந்தப் படத்திலேயே, சிறந்தது என்றால் இசை. யுவன் உண்மையிலேயே இளைய இசைஞானிதான். குறிப்பாக, இளையராஜாவின் குரலையே போதை ஏற்றி கொண்டாட விட்டிருக்கிறார். "நாயகன்" திரைப்படத்தில் வந்த "நிலாவது வானத்து மேல" பாடல் பாணியில், "நம்ம காட்டில பாட்டும்" அருமை. "கண்ணை விட்டு கண்ணிமைகள் விடை கேட்டால்" "ஏதேதோ எண்ணங்கள் வந்து" பாடல்கள் எமை மெய்மறந்து சிலிக்க வைக்கின்றன. திரையரங்கை விட்டு வெளியே வந்தாலும், ரீங்காரம் இடுகின்றது திரைப்படத்தை இயக்குனர் நிறைவு செய்த விதம். பட்டியல் உண்மையில் சுத்தியல்.( என்ன சுத்தியல் எண்டு கேக்கிறீங்களா?... விமர்சனம் எழுதினா, இப்பிடி ரைமிங்கா முடிக்கிறதுதான் ஸ்ரைல்.)

அட....

அட... என்ன இது தலையங்கம் எண்டு யோசிக்கிறிங்கள். சும்மா, சொந்தப்படம் எண்டு சொல்லி கொஞ்ச நாளா படம் காட்டிக் கொண்டிருந்தனான். இண்டைக்கு உருப்படியா எதாவது எழுதுவம் எண்டு யோசிக்கிறன்.

இப்ப, சிட்னில பல்கலைக்கழக மாணவர்களின் மனப்பான்மையைப் பார்த்தால், ஒரு இந்தியன் Society எண்டு சொல்லி கலாச்சாரத்த வளர்க்கிறதா சொல்லி "Cultural Night" எண்டு நாலஞ்சு டான்சும் கொஞ்ச தண்ணி + டான்ஸ் பாட்டிகளும் வைத்தால்... "அட... " எண்டு பார்ப்பினம். ( இப்ப தலையங்கம் விளங்குதா?)

அதே நேரம், தமிழ்ச்சங்கம் எண்டால் ஏண்டா நாயே எண்டு கூட பார்க்க ஆக்கள் இல்லாமல் இருக்குது. ஏனெண்டால், நாங்கள் கலாச்சார நிகழ்வை கலாச்சார நிகழ்வாக வைக்கிறோம். தண்ணி பாட்டி வைக்கிறது இல்ல. அதான் எங்கட நிலமை. எத்தனை எங்கட தமிழ் பிள்ளைகள் இந்திய சங்கங்கள் எண்டு அலையுதுகள், ஏன் தமிழ்ச் சங்கம் எண்டால் அவ்வளவு குறைவா? குறிப்பாக, இங்க சிட்னில, தமிழ் வளர்க்கிறம் எண்டு கத்திக் கொண்டு நாடகங்களும் நடத்தி புத்தகமும் வெளியிடுற ஆக்கள்ட பிள்ளைகள்தான் இந்த இந்திய சங்கங்கள்ல கூட இணையுறது.

என்ன பிரச்சினை எண்டால், தமிழ்ச் சங்கத்தில் இருந்தால் தங்களயும் "FOB" (FRESH OFF THE BOAT) எண்டு கூப்பிடுவினமோ எண்ட தாழ்வு மனப்பான்மை. தரித்திரம் பிடிச்ச தமிழன்ட தாழ்வு மனப்பான்மை, எப்பதான் போகப் போகுதோ?

தண்ணியடிச்சாத்தான் மதிப்பு எண்டு நினைக்கிற இன்றைய தமிழ் பல்கலைக்கழக மாணவர்களை என்னதான் செய்யுறது?

சொந்தப் படம்

நான் சொந்தமாக எடுத்த படம்

நீலவண்ண செயற்கை மலர்கள் பச்சை இலைகளுடன் பின்னிப் பிணைந்து காணப்படுகின்றன, துன்பமும் இன்பமும் போல. தத்துவம் நல்லாயிருக்கா?

இதை பற்றி நீங்கள் என்ன நினைக்கிறீங்க? உங்கள் கவித்திறனையும் கற்பனைத்திறனையும் காட்டுங்கள்.

திருமணமா? தமிழ்மணமா?

சிட்னி பல்கலைக்கழக ஆரம்பநாளில் எடுக்கப்பட்ட நிழற்படங்கள். திருமணம் போல் களைகட்டுகிறது சிட்னி பல்கலைக்கழக தமிழ்ச்சங்கம். சுமார் எண்பது அங்கத்தவர்களை இணைத்துள்ளார்கள். UTS தமிழ்ச் சங்கத்தின் சார்பில் என் வாழ்த்துக்கள்.